“Уйма уй” лойиҳаси
Халқ депутатлари Қашқадарё вилоят Кенгашидаги Ўзбекистон ХДП гуруҳи аъзоси Лола Саодатова томонидан Қамаши тумани, “Қўшкапа” маҳалла фуқаролар йиғинида маҳалла фаоллари билан биргаликда аҳоли мурожаатлари тингланди.
Депутат томонидан ўрганилган хонадонлар эгаларидан 3 нафари электр-энергияси, 10 нафари газ балон етказиш, 2 нафари ички йўллар, 7 киши моддий ёрдам ажратиш, уй-жой, тиббий кўриклар ташкил этиш ва бошқа масалаларда мурожаатлар қилишган.
Барча масалалар депутат назоратига олиниб, тегишли ташкилотлар раҳбарларига ижро хатлари ва сўровлар юборилди.
