Ўзбекистон ХДП Шофиркон туман кенгаши томонидан "Бобоҳайдар" маҳалла фуқаролар йиғини ҳудудида жойлашган тиббиёт масканида "Оналик ва болалик муҳофазаси доимий эътиборда" лойиҳаси доирасида тиббий кўрик ташкиллаштирилди.

Тадбирда 30 нафардан ортиқ аёллар ва болалар тиббий текширувдан ўтказилди ва кўрик натижасида касаллиги аниқланган беморларга тавсиялар берилди.

Кам таъминланган, ижтимоий кўмакка муҳтож аёллар ва болаларга бепул даволанишлари учун йўлланмалар берилди.