“Янги ҳаёт учун, Янги Ўзбекистон учун”
Халқ депутатлари Нишон тумани кенгаши депутати Х. Давронов, Ўзбекистон ХДП Қашқадарё вилояти кенгаши фаоли Лола Саодатова ҳамда Республика Маънавият ва маърифат маркази вилоят бўлими ташаббуси билан ҳарбий қисм хизматчи ва оила аъзолари иштирокида Нуристон қўрғонида Ўзбекистон Республикаси давлат мустақиллигининг 32 йиллиги муносабати билан “Янги ҳаёт учун, Янги Ўзбекистон учун” шиори остида тарғибот тадбири ташкил этилди.
Унда мустақиллик йилларида тумандаги ижобий ўзгаришлар, жамиятда хотин-қизларнинг ўрни, оила ва фарзанд тарбияси, қабул қилинаётган қонун, ҳуқуқий норматив ҳужжатлар ва уларда белгиланган аёллар ҳуқуқлари бўйича батафсил маълумотлар берди.
