Халқ депутатлари Ғузор туман Кенгашидаги Ўзбекистон ХДП гуруҳи аъзолари томонидан «Ўзбекистон-2030» стратегияси вазифалари ижроси юзасидан тумандаги «Жарариқ» ва «Мустақиллик» маҳалла фуқаролар йиғинларида оғир ижтимоий аҳволга тушиб қолган хотин-қизлар ҳолидан хабар олинди.

Фуқаролар билан суҳбат жараёнида хотин-қизлар даволанишлари учун моддий ёрдам, уй-жойни таъмирлаш ҳамда суюлтирилган газ балонлари олишда депутатларга мурожаат қилишган. Аксарият мурожаатлар жойида ҳал этилди. Ногиронлиги бўлган, моддий ёрдам сўраган Ф. Равшанованинг мурожаати эса депутатлар назоратига олинди.