Ўзбекистон ХДП Шаҳрисабз туман кенгаши томонидан «Аёллар қаноти» фаоллари билан биргаликда Ўзбекистон Республикаси Президентининг 2022 йил 21 сентябрдаги «Хотин-қизлар бандлигини ошириш ва саломатлигини мустаҳкамлашга оид қўшимча чора-тадбирлар тўғрисида»ги Қарори ижроси ҳамда хотин-қизлар бандлигини таъминлаш мақсадида тумандаги «Оқсарой текстил» масъулияти чекланган жамиятида очиқ эшиклар куни ўтказилди.

Учрашув давомида корхона масъуллари томонидан ишчиларга яратиб берилган шароитлар ва имкониятлар кўздан кечирилиб, хотин-қизларни қизиқтирган саволларга жавоблар беришди.

Шунингдек, мулоқотда ишлаш истагини билдирган 12 нафар аёлга мутахассислиги бўйича иш ўринлари тавсия қилинди.