O‘zbekiston XDP Shahrisabz tuman kengashi tomonidan «Ayollar qanoti» faollari bilan birgalikda O‘zbekiston Respublikasi Prezidentining 2022-yil 21-sentyabrdagi «Xotin-qizlar bandligini oshirish va salomatligini mustahkamlashga oid qo‘shimcha chora-tadbirlar to‘g‘risida»gi Qarori ijrosi hamda xotin-qizlar bandligini ta’minlash maqsadida tumandagi «Oqsaroy tekstil» mas’uliyati cheklangan jamiyatida ochiq eshiklar kuni o‘tkazildi.

Uchrashuv davomida korxona mas’ullari tomonidan ishchilarga yaratib berilgan sharoitlar va imkoniyatlar ko‘zdan kechirilib, xotin-qizlarni qiziqtirgan savollarga javoblar berishdi.

Shuningdek, muloqotda ishlash istagini bildirgan 12 nafar ayolga mutaxassisligi bo‘yicha ish o‘rinlari tavsiya qilindi.