Oliy Majlis Qonunchilik palatasi deputati D.Mamajonova ishtirokida Farg‘ona tuman tibbiyot birlashmasida uchrashuv o‘tkazildi.

“O‘zbekiston – 2030” strategiyasi, “Jamiyat – islohotlar tashabbuskori” tamoyili asosida “Avval – inson, keyin – jamiyat va davlat” shiori ostida o‘tgan davra suhbatida yurtimizda olib borilayotgan islohotlar mazmun-mohiyati haqida batafsil so‘zlab berildi.

Shuningdek, deputat D. Mamajonova Davlat sanitariya va epidemiologiya markazida “O‘zbekiston – 2030” strategiyasini “Yoshlar va biznesni qo‘llab-quvvatlash yili” amalga oshirish bo‘yicha Davlat dasturida belgilangan ustuvor vazifalar yuzasidan ma’ruza qildi. Yoshlarga berilayotgan e’tibor va ular uchun yaratilayotgan sharoitlar xususida fikr-mulohazalar bildirildi.

Shundan so‘ng bir guruh faxriylar ishtirokida O‘zbekistonda xizmat ko‘rsatgan madaniyat xodimi Tursun Ali polvon Mamajonov xonadoniga tashrif buyurildi.