Xalq deputatlari Jizzax shahar kengashining majlislar zalida navbatdagi sessiya muhokamasiga kiritiladigan masalalarni dastlabki tarzda ko‘rib chiqish maqsadida Xalq deputatlari Jizzax shahar kengashining «Qurilish, kommunal sohalar, ekologiya, sanoat va transport masalalari bo‘yicha» doimiy komissiyasi yig‘ilishi bo‘lib o‘tdi.

Komissiya yig‘ilishida deputatlari Jizzax shahrida obodonlashtirish sohasida amalga oshirilayotgan ishlar muhokama qilindi. Shu bilan birga, 2024-2025-yillarda qish mavsumiga tayyorgarlik ko‘rish bo‘yicha amalga oshirilayotgan ishlar yuzasidan tegishli mutasaddi rahbarlarning hisoboti bilan tanishildi.

O‘zbekiston XDP guruhi a’zolari partiya elektorati manfaatlari hamda partiyaning dasturiy g‘oyalaridan kelib chiqib savollar bilan mas’ullarga murojaat qildi. Shuningdek, kun tartibidagi masalalar yuzasidan o‘z fikr-mulohazalarini bildirildi.