Respublika Ma’naviyat va ma’rifat markazi tomonidan tashkil etilgan "Eng namunali tuman va shahar" tanlovida Respublika Ma’naviyat va ma’rifat markazi Beruniy tumani bo‘limi boshlig‘i, Xalq deputatlari Beruniy tumani Kengashidagi O‘zbekiston XDP guruhi a’zosi Pardagul Razzaqova 1-o‘ringa munosib ko‘rildi. G‘olib “Damas” avtomobili bilan taqdirlandi.

Hurmatli Pardagul Kuzibayevna!

Sizni “Eng namunali tuman va shahar” tanlovida 1-o‘rin g‘olibi bo‘lganligingiz bilan O‘zbekiston Xalq demokratik partiyasi Markaziy Kengashi va Qoraqalpog‘iston Respublikasi Kengashi, Qoraqalpog‘iston Respublikasi Jo‘qorg‘i Kengesidagi O‘zbekiston XDP fraksiyasi hamda ko‘p sonli partiya a’zolari nomidan samimiy tabriklaymiz. Sizning xalqimiz farovonligi yo‘lidagi faoliyatingizda ulkan zafarlar tilaymiz!

O‘zbekiston Xalq demokratik partiyasi Markaziy Kengashi va

Qoraqalpog‘iston Respublikasi Kengashi