O‘zbekiston XDP Markaziy Kengashida "Sun’iy intellekt" mavzusida partiya xodimlari uchun amaliy o‘quv-seminar o‘tkazildi. Partiya tashabbusi bilan tashkil etilgan seminarda Raqamli texnologiyalar va sun’iy intellektni rivojlantirish ilmiy-tadqiqot instituti AKT startaplarini qo‘llab-quvvatlash bo‘limi boshlig‘i, partiyaning "Yoshlar qanoti" faoli Sh.Etmishboyev zamonaviy ilmning ahamiyati haqida ma’lumotlar berildi.

Xususan, mamlakatimizda sun’iy intellekt va raqamli texnologiyalarning rivojlanish holati, ularning hayotga tatbiq etilishi va istiqbollari muhokama qilindi. Shuningdek, sun’iy intellektdan foydalanishda etika qoidalariga rioya qilish, axborot xavfsizligini ta’minlash va bu boradagi mahalliy va xorijiy tajribalar partiya xodimlari ishtirokida tahlil qilindi.

Sun’iy intellektning, ayniqsa, tahlil qilish imkoniyatlari insoniyatning rivojlanish sur’atini bir necha yuz barobarga tezlashtirib yuborgani ta’kidlandi. Sun’iy intellektning imkoniyatlarini murakkab muammolarni hal qilishi, tibbiyot, moliya va boshqa sanoatlarni o‘zgartirishi va insoniyatning tafakkur qilish ko‘nikmalarini rivojlantirib yuborgani qayd etildi. Aqlli vositalar ko‘payishi energetika va boshqa resurslarni tejash bilan birga yoshlarning fikrlashini ham ijobiy tomonga o‘zgartirishiga urg‘u berildi.