O‘zbekiston XDP Qoraqalpog‘iston Respublika Kengashi Ijroiya qo‘mitasining «Partiya deputatlik guruhlari faoliyati samaradorligini oshirish to‘g‘risida»gi qarorining ijrosi yuzasidan hududlarda turli tadbirlar tashkil etilmoqda.

Xususan, «boshlang‘ich partiya tashkiloti – deputatlik guruhi – sessiya» tizimi asosida «Shabboz» OFY hududidagi «Ibn-Sino» MFYda o‘rganish olib bordi. Aholi murojaatiga ko‘ra, «Karvon» aholi punktiga boruvchi suv nasosi quvvati oqar suvni yetkazib berish quvvatiga ega emasligi aniqlandi.

Masala joyiga borib o‘rganilgach, O‘zbekiston XDP Qoraqalpog‘iston Respublika Kengashi raisi, Qoraqalpog‘iston Respublikasi Jo‘qorg‘i Kengesidagi partiya fraksiyasi rahbari Xalilla Yeshimbetov tomonidan nazoratga olinib, Beruniy tumani suv yetkazib berish xizmati davlat muassasasiga so‘rov yuboriladigan bo‘ldi.

Shuningdek, Beruniy tumani «Ibn-Sino» mahalla fuqarolar yig‘ini hududidagi «Karvon» aholi manziliga piyodalar yo‘lakchasini qurish masalasidagi murojaati o‘rganildi. Ushbu hududga 1,1 km piyodalar yo‘lakchasi hashar yo‘li bilan qurishga kelishildi. Shundan kelib chiqib bu bordagi hujjatlarni tayyorlash ishlari «Ibn-Sino» MFY raisi tomonidan amalga oshirilishi belgilandi.