Nurafshon shahardagi "Navro‘z" mahallasida aholi o‘rtasida ochiq muloqot tashkil qilindi. Muloqotda xalq deputatlari Nurafshon shahar Kengashining 2-okrugga O‘zbekiston XDPdan saylangan deputat Liana Nam hamda Nurafshon shahar partiya kengashi raisi Zulayho Abduqahhorova ishtirok etdi.

Uchrashuvda deputat saylovchilar bilan suhbatlashib, ularni qiynab kelayotgan muammolarga quloq tutdi. Muloqotda aholini qiynab kelayotgan ijtimoiy masalalarda murojaatlar bo‘ldi. Aholi vakillari tomonidan bildirilgan masalalar yuzasidan tegishli tashkilot rahbarlariga deputatlik so‘rovi yuborish bo‘yicha vazifa belgilab olindi.

Shuningdek, Xalq demokratik partiyasidan saylangan deputat Liana Nam haftaning juma kunlari mahalla fuqarolar yig‘ini binosida aholini murojaatlari yuzasidan doimiy qabul o‘tkazilishi to‘g‘risida kelishib olindi.