O‘zbekiston XDP Xorazm viloyati hamda Urganch shahar kengashi, shuningdek, Urganch davlat universiteti bilan hamkorlikda «Safimizdagi yoshlar» loyihasi doirasida universitetning tabiiy fanlar fakulteti 1-bosqich talabalari ishtirokida «Zakovat» intellektual o‘yini o‘tkazildi.

Tadbirda O‘zbekiston XDP viloyat kengashi rais o‘rinbosari U.Qo‘chqarov so‘zga chiqib, partiya dasturiy g‘oyalariga to‘xtalib o‘tdi. Undagi yoshlarni qo‘llab-quvvatlashga oid tashabbuslarga e’tibor qaratdi. Shuningdek, yoshlarning siyosiy-huquqiy bilimini oshirish maqsadida tashkil qilinayotgan intellektual o‘yin ishtirokchilariga omad tiladi.

Aqllar bellashuvi yuqori kayfiyatda va qizg‘in davom etdi. Turnir natijalariga ko‘ra, sovrinli o‘rinlarni egallagan jamoalarga partiyaning «Faxriy yorliq»lari topshirildi.