Bektemirda yangi boshlang‘ich partiya tashkiloti tuzildi
O‘zbekiston XDP Bektemir tumani kengashi Bek-Avtomaktabda yangi boshlang‘ich partiya tashkilotini tuzdi.
O‘zbekiston Xalq demokratik partiyasi Bektemir tuman kengashi tomonidan “Bek-Avtomaktab” tashkilotida targ‘ibot tadbiri olib borildi. Suhbat davomida partiyaning maqsad va vazifalari, aholi manfaatlarini himoya qilishdagi o‘rni va ahamiyati haqida ma’lumotlar berildi.
Olib borilgan ishlarning natijasi o‘laroq, “Bek-Avtomaktab” tashkilotida yangi boshlang‘ich partiya tashkiloti tuzildi. Shu munosabat bilan, tashkilot xodimlariga partiya a’zoligi guvohnomalari tantanali ravishda topshirildi.