Partiyamiz Andijon tuman kengashi mas’ullari 200 nafardan ortiq ayollar bandligini ta’minlagan “AL-ARD” MCHJ ishlab chiqarish korxonasida bo‘lib, u yerda mehnat faoliyatini yuritayotgan xotin-qizlarga yaratilgan shart-sharoitlar, imkoniyatlar bilan tanishishdi.

Korxonada ishlayotgan ayollar ish beruvchilardan mamnun ekanliklarini, maoshlari vaqtida berilayotganini ta’kidlashdi.

Bundan tashqari xodimlar korxona mutasaddilari tomonidan bayramlar arafasida bepul oziq-ovqat mahsulotlari, sovg‘a-salomlar tarqatilishini, qulay va zamonaviy mehnat sharoitlari yaratilganini aytib o‘tishdi.

O‘rganish yakunida Xalq demokratik partiyasi safiga kirish istagini bildirgan bir guruh ayollar partiyamiz safiga qabul qilindi.