Jizzax viloyatida Yoshlar parlamentiga nomzodlar saralanmoqda
O‘zbekiston XDP Jizzax viloyat kengashida Yoshlar parlamenti a’zoligiga saylovning ikkinchi bosqichi bo‘lib o‘tdi.
Ishtirok etgan yoshlar notiqlik qobiliyati, huquqiy savodxonlik, taqdimotning Nizom talablariga mosligiga qarab baholandi.
Viloyatning 37-Sharof Rashidov saylov okrugi 33-Do‘stlik saylov okrugi hamda 34-Zomin saylov okruglaridan ko‘rsatilgan nomzodlar orasidan Oliy Majlis Qonunchilik palatasi huzuridagi Yoshlar parlamentiga bo‘ladigan saylovning respublika bosqichida ishtirok etishga loyiqlar tanlab olindi.
