Yurtimizda "Kam taʼminlangan oilalarga moddiy yordam koʻrsatish hamda kambagʻallik bilan kurashish koʻlamini yanada kengaytirish" maqsadida koʻplab amaliy loyihalar oʻtkazilmoqda.

Xususan, Oʻzbekiston XDP Buloqboshi tuman kengashi raisi M. Xolmirzayeva tomonidan "Uyma-uy" loyihasi doirasida tadbir tashkil etildi. Unda Koʻprikboshi va Navoiy mahalla fuqarolar yigʻinlarida yashovchi nogironligi bor yolgʻiz keksalar va xotin-qizlar holidan xabar olindi.

Ulardan Abdurahmonova Nasimaxonga nogironlik aravachasi, Aliyeva Dilraboga qoʻltiqtayoq, Ismoilova Xabibaxonga esa oziq-ovqat mahsulotlari ulashildi. Shuningdek, hamshiralar bilan hamkorlikda uzoq vaqt bemor yotgan yoshi ulugʻ onaxonlar va ayollar holidan xabar olinib, kerakli dori-darmonlar bilan taʼminlandi.