Mamlakatimizda inson qadrini ulug‘lashga yo‘naltirilgan ijtimoiy himoya siyosati doirasida izchil islohotlar amalga oshirilmoqda. Prezidentimizning 2020 yil 12 noyabrda birlamchi tibbiy-sanitariya yordami muassasalari faoliyatiga mutlaqo yangi mexanizmlarni joriy qilish va sog‘liqni saqlash tizimida olib borilayotgan islohotlar samaradorligini yanada oshirish chora-tadbirlari to‘g‘risidagi farmoni hamda 2022 yil 25 aprelda birlamchi tibbiy-sanitariya yordamini aholiga yaqinlashtirish va tibbiy xizmatlar samaradorligini oshirish bo‘yicha qo‘shimcha chora-tadbirlar to‘g‘risidagi qarori qabul qilingan edi.
Shu munosabat bilan mazkur hujjatlar ijrosi yuzasidan O‘zXDP Jizzax viloyat kengashi raisi, xalq deputatlari viloyat kengashi deputati N.Xolmatov, Arnasoy tuman kengashi deputati Z.Ibragimovlar tomonidan Arnasoy tuman Tibbiyot birlashmasida sog‘likni saqlash tizimi tomonidan ko‘rsatilayotgan barcha turdagi tibbiy xizmatlar sifatini va oilaviy shifokorlik punktlari, oilaviy poliklinika va tuman ko‘p tarmoqli markaziy poliklinikalarning amalga oshirgan faoliyati holati, olis va chekka hududlardagi OSHPlarda kadrlar siyosatini amalga oshirish va malakali mutaxassislar bilan butlash borasida ko‘rilgan chora-tadbirlar, aholining profilaktik tibbiy ko‘riklari skrining dasturlar va patronaj xizmatini amalga oshirish borasidagi faoliyati yuzasidan manzilli o‘rganish olib borildi.
O‘zbekiston XDP Jizzax viloyat kengashi
Yoshlar va xotin-qizlar bilan ishlash sektori