O‘zbekiston XDP Amudaryo tuman kengashi tomonidan «Do‘stlik» mahalla fuqarolar yig‘inida yoshlar bilan davra suhbati o‘tkazildi.

Tadbirda Xalq deputatlari Amudaryo tuman Kengashi deputati, O‘zbekiston XDP guruhi a’zosi O.Yo‘ldoshev yoshlarga 2025-yil – «Atrof-muhitni asrash va «yashil iqtisodiyot» yili» Davlat dasturi loyiha mazmun-mohiyati va ahamiyatini tushuntirib berdi.

Davlat dasturi loyihasidagi partiyamiz dasturiy maqsadlariga uyg‘un masalalarga alohida urg‘u berildi. Xususan, 2025-yil Davlat dasturida 8 ming nafargacha yoshlarni kasbiy ko‘nikma va malakalarini rivojlantirish orqali ularning bandligini ta’minlash, yuqori daromad topish imkoniyatlarini kengaytirishga ko‘maklashish masalalari o‘rin olgani ta’kidlandi. Demak, 2025-yilda amalga oshirilishi ko‘zda tutilgan maqsadlar orqali mamlakatimizda investitsiyalar oqimi ortishi orqali yangi-yangi korxona va tashkilotlar ishga tushib, aholini ish bilan band bo‘lishiga ko‘maklashiladi.

Yoshlar bu boradagi masalalarni qo‘llab-quvvatladi. Shuningdek, ta’lim, sog‘liqni saqlash, ijtimoiy himoya bilan bog‘liq chora-tadbirlarni yanada takomillashtirishga oid takliflar, fikr-mulohazalar bildirildi.