Бу борада бугун партия сафида турли миллатга мансуб бўлган бир юз сакcон мингдан ортиқ ёшлар бир ғоя ва мақсад атрофида бирлашган бўлиб, улар жамиятда ижтимоий бирдамлик, тўсиқларсиз ҳаёт, ёшларнинг таълим олиши ва доимий иш ўринлари билан таъминланиши, соғлиги, спорт билан шуғулланиши, бахтли оилада ҳаёт кечириши ҳамда жамиятдаги фаоллигига қаратилган ҳуқуқий асосларнинг мустаҳкамланиши, муҳим дастурларнинг тизимли равишда ижросининг таъминланиши ҳамда амалий саъй-ҳаракатлар йўлида бирлашган ҳисобланади.

Ўтган ўн йил мобайнида партиянинг “Истиқбол” ёшлар қаноти томонидан “Ёш сиёсатчи” кўрик танловининг уч басқичли тизим бўйича ўтказилгани ва унинг натижасида юз минглаб ёшларнинг ушбу танловга қамраб олингани, жамиятдаги сиёсий ислоҳотарга ёшларнинг дахлдорлик ҳиссини кўриш мумкин. Энг асосийси шу лойиҳа асосида ғолиб бўлган минглаб ўғил-қизлар бугун мамлакатнинг истиболли кадрлари сифатида давлат бошқаруви ва халқ хўжалиги, илм-фан, санъат ва иқтисодиёт, саноат ва бошқа муҳим соҳаларда муносиб меҳнат қилмоқдалар.

Сўнгги йилларда  қанот томонидан ёшларни ўйлантираётган муоммо ва масалаларини чуқур таҳлил қилиш, уларга ўз исътедод ва қобилиятларини намоён қилиш ва ёшлар масаласига оид давлатимизда олиб борилаётган устувор вазифаларини ўз вақтида сифатли қилиб бажариш борасида “Эзгу ғоядан – эзгу мақсад сари” шиори остида “Беш ташаббус – беш имкон” лойиҳаси, “Меҳр улашинг”, “Болаларга беринг дунёни”, “Балаларга бахт улашиб”, “Депутат ва ёшлар”, “Биз соғлом турмуш тарафдоримиз”, “Мен Ўзбекистон ХДПни танладим” каби бир қатор муҳим лойиҳаларни амалга ошириб келмоқда.

Ҳар йили Ўзбекистон ХДП Марказий Кенгаши томонидан ёшлар, уларнинг муаммо ва масалаларига оид хусусан, бандлиги, ташқи меҳнат миграцияси масаласига оид, жиноятчиликнинг олдини олиш, эрта тушмушнинг салбий оқибатларини бартараф этишни назарда тутиб алоҳида чора-тадбирлар белгилаб олиниб унинг ижроси алоҳида мониторинг қилиб борилмоқда.

*** 

“Истиқбол” ёшлар қаноти лойиҳалари

“Қонунчилик ёшлар нигоҳида”

Лойиҳа концепцияси ва мақсади

- Қабул қилинаётган меъёрий ҳужжатлар мазмун-моҳиятини кенг жамоатчилик ҳамда ёшларга етказиш ва уларни қонунлардан хабардорлигини ошириш, тарғиботини амалга ошириш мақсад қилиб олинган.

Амалга ошириш механизми

- Қабул қилинган қонун ва меъёрий ҳужжатларни ёшлар тилида, тушунарли қилиб тасвирга олиш ҳамда ижтимоий тармоқларга жойлаб борилади.

- Қабул қилинган қонун ва меъёрий ҳужжатлар соҳаларига қараб, соҳа мутахассислари билан ёшлар учрашувларини ташкил қилиш, очиқ мулоқотлар, савол жавоб тарзида дебатлар ташкил қилиш.

- Соҳа мутахассислари билан ташкил қилинган учрашувда ёшларга ҳуқуқий ёрдамлар бериш, ёшларни муаммо таклифларига асослантирилган жавоблар бериш, ташкил қилинган учрашувлар давомида ёшларни партия сафига қўшиб олиш.

- Соҳа мутахассислари билан қабул қилинган қонун ва меъёрий ҳужжатлар номи ва ҳисобини юритиб бориш.

- Қонунчилик ёшлар нигоҳида лойиҳаси ташкил қилинган кунни ўзида ижтимоий тармоқларга, ОАВларга сифатли жойлаб борилади.

- Қабул қилинган қонун ва меъёрий ҳужжатларни ёшлар сода тилда белгиланган тартибга қисқа роликлар орқали тасвирга олиб ОАВларга сифатли жойлаб борилади.

Лойиҳадан кўзланган натижалар

- Ёшларининг сиёсий-ҳуқуқий билимларини ва фаоллигини ошириш;

- Ёшлар Давлат ва жамият олдида масъулиятини ошириш;

- Ёшларнинг ҳуқуқий онги ва ҳуқуқий маданиятини юксалтириб бориш, қонун устуворлигини таъминлаш ва қонунийликни мустаҳкамлаш, шунингдек, партия сафидаги ёшларни ҳуқуқий билимларини ривожлантиришга қаратилган;

- Ёшларнинг ҳуқуқий билимлари, онги ва маданиятини юксалтириш, ёшларнинг сиёсий фаоллигини ошириш, шунингдек, вояга етмаганларнинг ҳуқуқий тарбиясига салбий таъсир кўрсатувчи омилларига нисбатан ҳуқуқий иммунитетни шакллантириб, қонун бузилиши ва коррупция ҳолатларига муросасизлик ҳиссини уйғотиш;

- Партия қошидаги “Ёшлар қаноти” фаолиятини янада ошириш ва партия сафида ёшлар сонини тизимли ошириб бориш;

Қабул қилинган қонун ва меъёрий ҳужжатлар орқали имконияти чекланган ёшларни ҳам жамиятга яқинлаштириш.

***

“Сафимиздаги ёшлар”

Лойиҳа концепцияси ва мақсади

- Ютуқларга эришган, давлат мукофотларига сазовор бўлиб, тенгдошларига ўрнак бўлаётган ёшларнинг жамиятда ўз ўрнини топишда партиянинг аҳамияти ҳақида интервью ва суҳбатлар ташкил этиш орқали партия сафидаги ютуқларга эришган ёшлар фаолиятини оммалаштириш ҳамда ёшларни партия сафига жалб қилиш мақсад қилиб олинган.

Амалга ошириш механизми

- Вилоятдаги туман, шаҳарлар кесимида ютуқларга эришган, давлат мукофотларига сазовор бўлиб, тенгдошларига ўрнак бўлаётган ёшларнинг рўйхатини шакллантириш.

- Лойиҳа доирасида ёшлар аудиториясини эгаллаб, уларга ўз тенгдошлари ва маълум турли соҳаларда катта натижаларга эришган партия фаол ёшлари томонидан қисқа вақт ичида кучли мавзуларда интервью, суҳбатлар, мастер-класс, давра суҳбатлари, учрашувлар ташкил қилиш орқали ёшларни партия сафига қамраб олиш ва партия ёшлар қаноти фаоллигини ошириш.

- Лойиҳада online ва offline тадбирларни ташкил қилинади. Ҳар бир лойиҳада 50+ ёшлар иштирок этишади. Бу тадбирлардан мақсад ёшларимиз учун networking яратиш, ёш спикерлар билан эркин мулоқот қилишларини таъминлаш. Ва албатта, уларни реал ҳаётда актив қилиш.

- Лойиҳа ҳар ойда имконият даражасига қараб икки марта online ва offline кўринишда ташкил қилинади.

- Ҳозирги вақтда ёшларимизнинг энг катта вақти ижтимоий тармоқларда ўтади. Буни чеклашнинг иложи йўқ, лекин бундан тўғри ва фойдали фойдаланиш мақсадида лойиҳа доирасида олиб борилган ишларни ижтимоий тармоқларга жойлаб бориш.

Лойиҳадан кўзланган натижалар

- Лойиҳада иштирок этган иқтидорлар орқали ёшларга БИЛИМ, ТАЖРИБА ва МОТИВАЦИЯ бериш.

- Ўз йўналишида энг юқори натижаларга эришган ёшларни кашф қилиш ва ёшларнинг ривожланишига амалий туртки бўлиш.

- Партия қошидаги “Ёшлар қаноти” фаолиятини янада ошириш ва партия сафида ёшлар сонини тизимли ошириб бориш.