Bu borada bugun partiya safida turli millatga mansub bo‘lgan bir yuz sakcon mingdan ortiq yoshlar bir g‘oya va maqsad atrofida birlashgan bo‘lib, ular jamiyatda ijtimoiy birdamlik, to‘siqlarsiz hayot, yoshlarning ta’lim olishi va doimiy ish o‘rinlari bilan ta’minlanishi, sog‘ligi, sport bilan shug‘ullanishi, baxtli oilada hayot kechirishi hamda jamiyatdagi faolligiga qaratilgan huquqiy asoslarning mustahkamlanishi, muhim dasturlarning tizimli ravishda ijrosining ta’minlanishi hamda amaliy sa’y-harakatlar yo‘lida birlashgan hisoblanadi.

O‘tgan o‘n yil mobaynida partiyaning “Istiqbol” yoshlar qanoti tomonidan “Yosh siyosatchi” ko‘rik tanlovining uch basqichli tizim bo‘yicha o‘tkazilgani va uning natijasida yuz minglab yoshlarning ushbu tanlovga qamrab olingani, jamiyatdagi siyosiy islohotarga yoshlarning daxldorlik hissini ko‘rish mumkin. Eng asosiysi shu loyiha asosida g‘olib bo‘lgan minglab o‘g‘il-qizlar bugun mamlakatning istibolli kadrlari sifatida davlat boshqaruvi va xalq xo‘jaligi, ilm-fan, san’at va iqtisodiyot, sanoat va boshqa muhim sohalarda munosib mehnat qilmoqdalar.

So‘nggi yillarda  qanot tomonidan yoshlarni o‘ylantirayotgan muommo va masalalarini chuqur tahlil qilish, ularga o‘z is’tedod va qobiliyatlarini namoyon qilish va yoshlar masalasiga oid davlatimizda olib borilayotgan ustuvor vazifalarini o‘z vaqtida sifatli qilib bajarish borasida “Ezgu g‘oyadan – ezgu maqsad sari” shiori ostida “Besh tashabbus – besh imkon” loyihasi, “Mehr ulashing”, “Bolalarga bering dunyoni”, “Balalarga baxt ulashib”, “Deputat va yoshlar”, “Biz sog‘lom turmush tarafdorimiz”, “Men O‘zbekiston XDPni tanladim” kabi bir qator muhim loyihalarni amalga oshirib kelmoqda.

Har yili O‘zbekiston XDP Markaziy Kengashi tomonidan yoshlar, ularning muammo va masalalariga oid xususan, bandligi, tashqi mehnat migratsiyasi masalasiga oid, jinoyatchilikning oldini olish, erta turmushning salbiy oqibatlarini bartaraf etishni nazarda tutib alohida chora-tadbirlar belgilab olinib uning ijrosi alohida monitoring qilib borilmoqda.

***

“Istiqbol” yoshlar qanoti loyihalari

“Qonunchilik yoshlar nigohida”

Loyiha konsepsiyasi va maqsadi

- Qabul qilinayotgan me’yoriy hujjatlar mazmun-mohiyatini keng jamoatchilik hamda yoshlarga yetkazish va ularni qonunlardan xabardorligini oshirish, targ‘ibotini amalga oshirish maqsad qilib olingan.

Amalga oshirish mexanizmi

- Qabul qilingan qonun va me’yoriy hujjatlarni yoshlar tilida, tushunarli qilib tasvirga olish hamda ijtimoiy tarmoqlarga joylab boriladi.

- Qabul qilingan qonun va me’yoriy hujjatlar sohalariga qarab, soha mutaxassislari bilan yoshlar uchrashuvlarini tashkil qilish, ochiq muloqotlar, savol javob tarzida debatlar tashkil qilish.

- Soha mutaxassislari bilan tashkil qilingan uchrashuvda yoshlarga huquqiy yordamlar berish, yoshlarni muammo takliflariga asoslantirilgan javoblar berish, tashkil qilingan uchrashuvlar davomida yoshlarni partiya safiga qo‘shib olish.

- Soha mutaxassislari bilan qabul qilingan qonun va me’yoriy hujjatlar nomi va hisobini yuritib borish.

- Qonunchilik yoshlar nigohida loyihasi tashkil qilingan kunni o‘zida ijtimoiy tarmoqlarga, OAVlarga sifatli joylab boriladi.

- Qabul qilingan qonun va me’yoriy hujjatlarni yoshlar soda tilda belgilangan tartibga qisqa roliklar orqali tasvirga olib OAVlarga sifatli joylab boriladi.

Loyihadan ko‘zlangan natijalar

- Yoshlarining siyosiy-huquqiy bilimlarini va faolligini oshirish;

- Yoshlar Davlat va jamiyat oldida mas’uliyatini oshirish;

- Yoshlarning huquqiy ongi va huquqiy madaniyatini yuksaltirib borish, qonun ustuvorligini ta’minlash va qonuniylikni mustahkamlash, shuningdek, partiya safidagi yoshlarni huquqiy bilimlarini rivojlantirishga qaratilgan;

- Yoshlarning huquqiy bilimlari, ongi va madaniyatini yuksaltirish, yoshlarning siyosiy faolligini oshirish, shuningdek, voyaga yetmaganlarning huquqiy tarbiyasiga salbiy ta’sir ko‘rsatuvchi omillariga nisbatan huquqiy immunitetni shakllantirib, qonun buzilishi va korrupsiya holatlariga murosasizlik hissini uyg‘otish;

- Partiya qoshidagi “Yoshlar qanoti” faoliyatini yanada oshirish va partiya safida yoshlar sonini tizimli oshirib borish;

Qabul qilingan qonun va me’yoriy hujjatlar orqali imkoniyati cheklangan yoshlarni ham jamiyatga yaqinlashtirish.

*** 

“Safimizdagi yoshlar”

Loyiha konsepsiyasi va maqsadi

- Yutuqlarga erishgan, davlat mukofotlariga sazovor bo‘lib, tengdoshlariga o‘rnak bo‘layotgan yoshlarning jamiyatda o‘z o‘rnini topishda partiyaning ahamiyati haqida intervyu va suhbatlar tashkil etish orqali partiya safidagi yutuqlarga erishgan yoshlar faoliyatini ommalashtirish hamda yoshlarni partiya safiga jalb qilish maqsad qilib olingan.

Amalga oshirish mexanizmi

- Viloyatdagi tuman, shaharlar kesimida yutuqlarga erishgan, davlat mukofotlariga sazovor bo‘lib, tengdoshlariga o‘rnak bo‘layotgan yoshlarning ro‘yxatini shakllantirish.

- Loyiha doirasida yoshlar auditoriyasini egallab, ularga o‘z tengdoshlari va ma’lum turli sohalarda katta natijalarga erishgan partiya faol yoshlari tomonidan qisqa vaqt ichida kuchli mavzularda intervyu, suhbatlar, master-klass, davra suhbatlari, uchrashuvlar tashkil qilish orqali yoshlarni partiya safiga qamrab olish va partiya yoshlar qanoti faolligini oshirish.

- Loyihada online va offline tadbirlarni tashkil qilinadi. Har bir loyihada 50+ yoshlar ishtirok etishadi. Bu tadbirlardan maqsad yoshlarimiz uchun networking yaratish, yosh spikerlar bilan erkin muloqot qilishlarini ta’minlash. Va albatta, ularni real hayotda aktiv qilish.

- Loyiha har oyda imkoniyat darajasiga qarab ikki marta online va offline ko‘rinishda tashkil qilinadi.

- Hozirgi vaqtda yoshlarimizning eng katta vaqti ijtimoiy tarmoqlarda o‘tadi. Buni cheklashning iloji yo‘q, lekin bundan to‘g‘ri va foydali foydalanish maqsadida loyiha doirasida olib borilgan ishlarni ijtimoiy tarmoqlarga joylab borish.

Loyihadan ko‘zlangan natijalar

- Loyihada ishtirok etgan iqtidorlar orqali yoshlarga BILIM, TAJRIBA va MOTIVATSIYA berish.

- O‘z yo‘nalishida eng yuqori natijalarga erishgan yoshlarni kashf qilish va yoshlarning rivojlanishiga amaliy turtki bo‘lish.

- Partiya qoshidagi “Yoshlar qanoti” faoliyatini yanada oshirish va partiya safida yoshlar sonini tizimli oshirib borish.