Xo‘jaylida O‘zbekiston XDP Qoraqalpog‘iston Respublikasi Kengashi, Xo‘jayli tuman kengashi va xalq deputatlari tuman Kengashidagi partiya guruhi bilan hamkorlikda tadbir tashkil qildi.

Xususan, onalar va bolalar salomatligini mustahkamlash, xotin-qizlar orasida sog‘lom turmush tarzini targ‘ib qilish, ularning tibbiy madaniyatini oshirishga qaratilgan “Sog‘lom ona – sog‘lom oila” loyihasi doirasida amaliy tadbir o‘tkazildi.

Tadbirda partiya mas’ullari, tuman Kengashidagi partiya guruhi a’zosi N.Primbetova, Xo‘jayli poliklinikasidagi BPT a’zolari, 3-sonli Oilaviy poliklinika mas’ullari va hudud aholisi ishtirok etdi.

Amaliy tadbir davomida 150 dan ortiq xotin-qizlar va bolalar tibbiy ko‘rikdan o‘tkazilib, salomatligini mustahkamlash, turli kasalliklarning oldini olish bo‘yicha shifokorlar tomonidan tegishli tavsiyalar berildi. Shuningdek, kasalligi aniqlanganlarga davolanish uchun yo‘llanmalar va dori-darmonlar topshirildi.