Boshlang‘ich partiya tashkiloti bu siyosiy tizimning xalqqa eng yaqin bo‘lgan bo‘g‘ini hisoblanadi. Chunki uning a’zolari keng jamoatchilik bilan yaqin aloqa o‘rnatish imkoniga ega. Bu orqali aholining ijtimoiy-siyosiy bilim darajasini oshirish, jamoat tashkilotlari bilan hamkorlik qilish, partiya mafkurasi va g‘oyasini aholi ongiga singdirish kabi masalalarda faollik ko‘rsatadi. Odamlarning kundalik tashvishlari, o‘y-xayollaridan yaxshi xabardor bo‘ladi. Umuman, xalq bilan partiya o‘rtasidagi muhim bog‘lovchi vazifasini ham o‘taydi.

O‘zbekiston XDP esa joylarda o‘zining eng kichik va muhim bo‘g‘ini sonini ko‘paytirish, a’zolar safini kengaytirishga bel bog‘lagan. Yangi yilning ilk kunlarida O‘zbekiston XDP O‘rta Chirchiq tuman kengashi tomonidan O‘rta Chirchiq tuman "Inson" ijtimoiy xizmatlar ko‘rsatish markazida targ‘ibot olib bordi. Natijada markazda partiyaning hududiy boshlang‘ich tashkiloti tuzildi.

Partiya safiga yangi a’zolar qabul qilindi. Ularning ishlari, partiyaning BPTga ko‘magi va dastagi nimalardan iborat ekani tushuntirildi.