Boshlang‘ich tashkiloti bu partiyaning eng kichik ammo muhim bo‘g‘ini sanaladi. Chunki boshlang‘ich tashkiloti xalqqa eng yaqin bo‘lgan, uning kundalik hayotidan yaxshi xabardor bo‘g‘indir. Shundan kelib chiqib, joylarda BPTlar tashkil etishga alohida e’tibor qaratiladi.

Xususan, O‘zbekiston XDP Sirdaryo viloyat kengashi tomonidan joylarda partiyaning eng kichik va muhim bo‘g‘ini sonini ko‘paytirish, a’zolar safini kengaytirish borasida samarali ishlar amalga tashkil etilmoqda. Buning uchun targ‘ibot tadbirlari o‘tkazilib, partiyaning maqsadlari, tashabbuslari odamlarga tushuntirilmoqda.

Ijtimoiy sohani rivojlantirish har bir inson uchun naqadar muhim ekani, partiya esa ayni ushbu yo‘nalishlardagi g‘oyalari bilan harakat qilishi va partiya dasturidan o‘rin olgan ta’lim, tibbiyot, pensiya va nafaqalar, kommunal xizmat kabi sohalarga aloqador tashabbuslar haqida ma’lumotlar berilmoqda.

Guliston shahar kengashi tashabbusi bilan o‘tkazilgan ana shunday targ‘ibot tadbirlari natijasida Guliston shahrida joylashgan Alisher Navoiy nomidagi Axbarot-kutubxona markazida boshlang‘ich partiya tashkiloti tuzildi. Uning atrofida partiya g‘oyalariga xayrixoh insonlar jamlandi.