Xalq deputatlari Olmaliq shahar Kengashi tashabbusi bilan Abu Ali ibn Sino nomidagi Jamoat salomatligi texnikumida aholi o‘rtasida hurmat qozongan, o‘z kasbining fidoyisi, Markaziy shifoxona nevropatologi, deputat Subanov Sayfiddin Turg‘unboyevichning o‘quvchi-yoshlar bilan uchrashuvi tashkil etildi.

Ma’naviy-ma’rifiy muloqotda yoshlarning jamiyatimizda o‘z o‘rnini topishi, yetuk mutaxassis bo‘lib yetishishida zarur maslahat va tavsiyalar, shuningdek, motivatsiyalar berildi.

Davra suhbatida o‘quvchi-yoshlar tomonidan qiziqtirgan savollar berilib, batafsil javoblar olindi. Samimiy muloqot o‘quvchilarda katta taassurot qoldirdi.