O‘zbekiston Xalq demokratik partiyasining Toshkent viloyati Ohangaron tumani "Nurobod" MFYda boshlang‘ich partiya tashkilotlari, volontyorlik guruhlari hamkorligida targ‘ibot tadbiri o‘tkazildi.

Uchrashuvda O‘zbekiston XDP Toshkent viloyati kengashi raisi A.Umaraliyev partiya Markaziy Kengashi raisi o‘rinbosari M.Vorisova, Oliy Majlis Qonunchilik palatasi deputatligiga nomzod Q. Qosimova, Mahalliy kengash deputatligiga nomzodlar so‘zga chiqib, yangi Saylovoldi dasturi haqida gapirib berdi. Dasturga ilgari surilgan eng muhim tashabbus va yo‘nalishlar mazmun-mohiyati tushuntirildi.

Shuning bilan birga muloqotda, yig‘ilganlar saylovda faol bo‘lishga hamda Xalq demokratik partiyasi va uning nomzodlariga ovoz berishga chaqirildi. Tadbir so‘nggida nomzodlar va Toshkent viloyati Kengashi mas’ullari ehtiyojmand oilalar xonadonlariga borib, siyosiy jarayonlar xususida tushunchalar berishdi.